Velkomin/n/ið á heimasíðuna mína! ekki hika við að senda mér póst

Hvað er?

Léttari lausnir – samskipti & fjölskylduráðgjöf er í eigu Sigríðar Ástu Hauksdóttur, sem er fjölskyldufræðingur, náms- og starfsráðgjafi og kennari.

Léttari lausnir sérhæfa sig í ráðgjöf, fræðslu og stafrænum lausnum fyrir einstaklinga, fjölskyldur og fagfólk. Við leggjum áherslu á að byggja brýr yfir flókin kerfi svo fólk og vinnustaðir blómstri, með sérstakri áherslu á kerfisbundna vellíðan, taugafjölbreytileika (sérstaklega ADHD) og nýtingu tækni eins og gervigreindar í þjónustu okkar.

Þjónustan er í boði bæði sem fjarþjónusta og á stofu á Akureyri. Þú getur því fengið aðstoð hvar sem þú ert í heiminum og bókað tíma í gegnum KaraConnect, eða mætt í viðtal á stofu okkar í Hafnarstræti 97, 6. hæð, Akureyri . Þannig getur þú leyst málin hvort sem þú kýst að mæta í viðtal eða leysa málin í náttfötunum heima með kaffibolla í hönd ☕🛋️.

Léttari lausnir – samskipti & fjölskylduráðgjöf bjóða þannig upp á fjölbreytta þjónustu, þar á meðal:

Samskipta- og fjölskylduráðgjöf – til að ná skýrari samskiptum og minni flækjum, með áherslu á kerfisbundna vellíðan einstaklinga og samspil við vinnustaði þegar við á. Þetta felur einnig í sér ráðgjöf og stuðning tengdan taugafjölbreytileika, sérstaklega ADHD, fyrir einstaklinga, fjölskyldur og vinnustaði.
Náms- og starfsráðgjöf – til að finna rétta stefnu í námi og starfi
- 🛤️ með hliðsjón af styrkleikum og áskorunum hvers og eins, þar með talið þeim sem tengjast taugafjölbreytileika.
Fræðsla og námskeið – bæði fyrir einstaklinga, fjölskyldur og fagfólk
📚🎓Einnig er boðið upp á verktöku fyrir menntastofnanir, félagssamtök, stofnanir, fyrirtæki og félagsþjónustur sveitafélaga.
Stafrænar lausnir og nýting tækni og gervigreindar (AI) í fræðslu og ráðgjöf – sem felur í sér snjallar lausnir fyrir snjalla framtíð 🤖🚀 og hraðvirka þjónustu sem fylgir taktinum í nútímanum ⚡💻.

Léttari lausnir – samskipti & fjölskylduráðgjöf starfa samkvæmt gagnreyndum aðferðum og siðareglum.

Fyrir nánari upplýsingar eða tímapantanir er hægt að senda póst á: sigridur@lettarilausnir.is

Léttari lausnir - samskipti & fjölskylduráðgjöf bjóða upp á staðviðtöl á stofu sem staðsett er á Akureyri, Hafnarstræti 97, 6.hæð.

Einnig bjóðum við upp á fjarviðtöl og nýtum til þess Köruconnect, sem heldur utan um tímabókanir, fjarþjónustu og fjarviðtöl.

Karaconnect er GDPR vottað fjarþjónustukerfi sem tengir okkur saman!

Karaconnect er þannig öruggur staður fyrir þjónustu fagaðila á netinu.

Hægt er að koma í viðtal og fá þjónustu óháð staðsetningu í heiminum!

Sigríður Ásta Hauksdóttir

Um mig

Ég er lífsreynslubolti með friðsæla sál – nema þegar ég er svöng. Þá er ég bara bolti. Ég er líka foreldri, dóttir, systir, samstarfélagi, vinkona og ótal margt annað. Þessir hlutverk, ásamt margfaldri gráðu í lífsreynslu, hafa sérhæft mig í að sigla í gegnum allt frá tilfinningaflóðum og samskiptasprengjum yfir í að sigla úr stefnumótunarþokum, skipulagskaosi og Excel-hruni. Oft með kaffibolla ☕ í annarri og skyndiplan í hinni.

📚 Menntun & sérhæfing

BA í sálfræði (Háskólinn á Akureyri ) (þar lærði ég af hverju heilinn ruglast 🧠).
MA í fjölskyldumeðferð (útskrifaðist frá HÍ 2012) (þar lærði hvernig við ruglumst öll saman og kerfisgreinum aðstæður á heilstæðan hátt til að skilja mynstur og bæta tengsl 👨‍👩‍👧‍👦).
Kennsluréttindi (Háskólinn á Akureyri) (þar lærði ég að útskýra ruglið 📖).
Leyfisbréf í náms- og starfsráðgjöf (Mennta- og barnamálaráðuneytið) (leyfi til að finna leiðir úr ruglinu 🛤️).
Grunn- og framhaldsnám í markþjálfun og sáttamiðlun (þar lærði að leiða fólk í gegnum ruglið og yfir í raunverulegar lausnir 🎯).

🔍Grundvallarhugmyndafræði mín er sú að þú ert þinn eigin sérfræðingur. Saman vinnum við að því að finna leiðir til að bæta og breyta. Ég trúi því að opin og virk samskipti séu lykillinn að hamingju og velferð í lífi, námi og starfi. Einnig tel ég að manneskjuleg kerfi séu nauðsynleg til að fólk upplifi að það skipti máli, tilheyri og hafi raunverulegt val (Það og smá húmor sem hjálpar oft þó hann lækni ekki allt).

💡 Lífsmottó:
"Þeir tveir staðir sem þú þarft að halda hreinum, eru hausinn 🧠 og hjartað ❤️!" (…en hreinn eldhúsbekkur hjálpar líka.)

🚀 Ofurhæfileikar:

Að vinna með bæði mögulegar og ómögulegar aðstæður (og finna alltaf lausn – jafnvel þegar kaffi er búið! ☕)

👥 Aðild & fagfélög:
Félagi í Fjölskyldufræðingafélagi Íslands – félagi fagfólks í fjölskyldumeðferð.

Page updated

Report abuse